नानकटाई - NanKatai

नानकटाई

साहित्य :-
१/३ कप मैदा
१/३ कप रवा
अर्धा कप बेसन
चिमूटभर बेकिंग सोडा
अर्धा चमचा वेलची पूड
अर्धा चमचा जायफळ पूड
अर्धा कप लोणी
२/३ कप साखर
कापलेले बदाम आणि पिस्ते

कृती :-
प्रथम लोणी फ्रीज मधून काढून ठेवावे व ते मऊ होऊ द्यावे. या मऊ झालेल्या लोण्यामध्ये साखर घालून दोन्ही एकत्र एक ५ मिनिटे फेटावे. बदाम व पिस्ते सोडून इतर सर्व कोरडे पदार्थ एकत्र करावेत. लोणी आणि साखरेच्या मिश्रणात हे कोरडे जिन्नस घालून छान गोळा मळून घ्यावा. या गोळ्याचे छोटे छोटे चपटे गोळे बनवून त्यावर बदाम व पिस्ते लावावेत. ओवन ३५० ला प्रीहीट करावा व एका बेकिंग ट्रे वर हे गोळे थोड्या थोड्या अंतरावर ठेवावेत. मध्ये ३५० ला १० - १५ मिनिटे बेक करावेत. खुसखुशीत नानकटाई तयार.या प्रमाणामध्ये २० ते २२ नानखटाई होतील.

Ocassional