पातोळ्या - Patolya

पातोळ्या

साहित्यः
१ वाटी तांदूळ
नारळाच्या एका वाटीचे ओले खोबरे
खोबर्‍याच्या अर्धा गूळ
किंचित मीठ
पाणी

वेलची पूड/जायफळ पूड आवडीप्रमाणे
हळदीची पाने

कृती:
तांदूळ सुमारे ४/५ तास भिजत घालावेत. मग किंचित मीठ घालून बारीक वाटावेत. भज्याच्या पिठाहून दाट पण भाकरीच्या पिठाहून सैल ठेवावे.
ओले खोबरे व गूळ एकत्र करून शिजवून मोदकाच्या पुरणासारखे पुरण तयार करून घ्यावे.
हळदीची पाने धुवून पुसून घ्यावीत. तयार पीठ हळदीच्या पानावर पसरावे. त्यावर थोडेसे पुरण घालून उभी किंवा आडवी आवडीप्रमाणे घडी करावी. पिठामुळे पानाच्या कडा चिकटून रहातात. अशी सर्व पाने तयार करून घ्यावीत. या पातोळ्या एका चाळणीत किंवा डब्यात ठेवून मग कूकरची शिटी काढून त्यात किंवा इडलीच्या कूकरमधे किंवा मोदकपात्रात ठेवून १५ मिनिटे उकडून घ्याव्यात. झाकण उघडून जरा थंड होऊ द्याव्यात. हळदीचे पान सोडवून तुपाबरोबर खाव्यात.

आवडलं तर लाईक आणि शेअर करा..

snacks